کامیل ئەحمەدی

ئەم ماڵپەڕە پرسە کۆمەڵایەتییە تازە دەرکەوتووەکان، سەرچەشنه فەرهەنگییه نوێکان و ڕەگ و ڕیشەی داب و نەریتەکان تاوتوێ دەکا و ڕەهەندە جیاوازەکانیان بەڵگەمەند دەکات. ئەو وتار و ناوەڕۆکانەی که لێرەدا خراونەتە ڕوو بەرهەمی ئەو توێژینەوه مەیدانییه بەردەوام و قووڵانەن که به کەڵکوەرگرتن لە شێوازی زانستی مرۆڤناسیی (خەڵکناسی) فەرهەنگی و ئێتنۆگڕافی له بواری ژیانی ڕۆژانه له ناو کۆمەڵگا جیاجیاکاندا دەست کەوتوون.

لە ماوەی دوو دەیەی ڕابردوودا، کامیل ئەحمەدی وەک توێژەرێکی کۆمەڵایەتی، لەگەڵ توێژەرانی دیکە و یاریدەدەرانی مەیدانی هاوکاریی بەردەوامی هەبووە بۆ ئەوەی ڕەهەندە فەرهەنگییەکان، مافەکانی منداڵان، ڕەگەز، پرس و چاڵنجەکانی کەمینەییەکان/نەتەوەکان و شوناسەکان، و ڕێکاری ئاشتیی بەردەوام تاوتوێ بکات. ئەنجامەکانی ئەم هەوڵانه لە زنجیرەیەک کتێب، وتار، و ڕاپۆرت و دۆکیۆمێنتاریدا خراوەتە ڕوو کە لێرەدا بە شێوەی بێبەرامبەر دەست دەکەون.

ئەم توێژینەوە مەیدانییە تیشک دەخاتە سەر دوو بوار: پرسە کۆمەڵایەتییە نوێکان و ئەو بابەتانەی کە بە هۆی قەدەغەکران و هەستیاریی زۆرەوه، به شێوەی پێویست ئاوڕیان لێ نەدراوەتەوه. باردۆخی گروپە کۆمەڵایەتییە بێبەشەکانی وەکوو منداڵانی کار، ژنان و کەمینە سێکسی و ئێتنیکییەکان لەو بابەتانەن که تیشک خراوەتە سەریان.

گروپەکانی کۆکردنەوەی دەستکەوتی توێژینەوەکان به کەڵکوەرگرتن له ئاراستەی جیاجیا، چەمکە زانستییەکان سادە و ساکار دەکەنەوە و سەبارەت به ڕەهەندەکانی ژیانی خەڵک له ناو کۆمەڵگا جۆراوجۆرەکاندا ئاستێکی بەرزی زانیاری ئامادە دەکەن و دەیخەنە ڕوو که هەم دەخرێته بەر دەم جەماوەر و هەمیش دەتوانرێ له لایەن کەسانی پسپۆڕەوە سوودی لێ وەربگیرێت.